UM

OKKUR

Ef þú vilt æfa í öruggu umhverfi með frábærum þjálfurum og enn betri æfingafélögum þá er Formið Heilsurækt eitthvað fyrir þig.

Við leggjum mikið upp úr persónulegri nálgun og mætum hverjum og einum þar sem hann er staddur. Meðlimir okkar geta staðfest það hversu góð upplifun það er að mæta til okkar óháð því hvort þú hefur einhverja reynslu af líkamsrækt eða ekki og því hvaða formi þú ert í þegar þú mætir. Móttökurnar eru alltaf góðar og æfingum stillt upp út frá þinni getu hverju sinni. 

Æfingarnar eru fjölbreyttar, öruggar og sérvaldar með það í huga að styrkja alla helstu vöðvahópa líkamans, þar er notast við eigin líkamsþyngd, lóð, TRX bönd, bönd og teygjur ásamt því að þjálfa úthaldið með stuttum lotum á tækjum eins og róðravélum, hjólum og skíðavélum. 

Hvort sem þú vilt mæta í lokaða hóptíma þar sem hámarksfjöldi í hverjum tíma eru 12 einstaklingar, lokaðan hóp með vinum eða vinnufélögum eða einkaþjálfun með stöðina og þjálfarann alveg út af fyrir þig þá getum við fundið það sem hentar best fyrir þig og árangurinn mun ekki láta á sér standa. 

Bókaðu fund hjá okkur hvort sem það er á staðnum, á fjarformi eða í síma og við förum yfir málin saman.

Tímarnir okkar byrja kl.6 á morgnana og eru fram á kvöld þannig að þú ættir alltaf að geta fundið tímasetningu sem hentar þér.

Nýir meðlimir geta komið beint inn í hóp eða skráð sig í 1-3 einkatíma til þess að fara yfir æfingar og koma sér af stað áður en þeir mæta í hóptíma.